Tala meira borga minna!

Ég skipti um farsíma fyrirtæki fyrir þó nokkru síðan þar sem ég sá fram á að þurfa ekki að borga mánaðargjald sem er kostur ef maður notar símann ekki mjög mikið, en fyrir skemmstu þá fékk ég í hendur bréf frá Sko þar sem mér er tjáð að ef notkun símans er ekki yfir 990 kr á mánuði þá skerðist sú innneign niður sem er til staðar svo að maður þurfi að kaupa inneign í hverjum mánuði til að fá að nota þjónustu fyrirtækisins er þetta leyfilegt að breyta skilmálum svona eftir á? jæja en það virðist allt vera leyfilegt á Íslandi. Allavega á sú speki ekki við lengur að tala minna= borga minna heldur tala meira borga minna allt í þágu neyslusamfélagsins. 

 

Athugasemdir

[Svava frá Strandbergi , 14.2.2007 kl. 12:52]

Jahá! Annað fórnarlamb Sko? Ég lenti einmitt í svona dæmi og fór illa út úr því. Ætlaði að spara þar sem ég tala lítið í gemsa. En það fór nú þannig að ég þurfti að borga nokkrar þúsundir fyrir akkúrat engin símtöl.

[Svava frá Strandbergi , 14.2.2007 kl. 12:59]

Bíddu nú við þú ert landi minn! Og ert af hinni frægu Vídó ætt. Ég er af Landakots ættinni. Ef þú hefur áhuga geturðu séð mynd af langafa mínum á byggðasafninu í fullum sjómannaskrúða þ.e. skinnklæðum. Hann var svo frægur á sinni tíð að hann reri 40 vertíðir á áttæringnum Gídeon. En afi minn sem líka var útvegsbóndi drukknaði aftur á móti á milli Bjarnareyjar og Heimaeyjar 31 árs að aldri. En hans vota gröf er líklega löngu komin undir nýja hraunið.

Kveðja frá Eyjapæju

[Svava frá Strandbergi , 14.2.2007 kl. 14:00]

             Heimaey

Bárunnar blúndukögur
skrýðir dimmbláa klettaströnd
þar sem svarthvítir bjargfuglar sveima
við hljómþýðan söngleik vindanna.

Í þverhníptu bergi óma
ótal vonglaðar raddir
vorsins sígrænu drauma.

Hugur minn horfir og saknar
er ung ég undi og unni

- í faðmi þér,  fagra eldborna eyja.