EKKI LESA ÞETTA!

Sagan segir af manni sem var að leggja af stað í sumarfrí, og skilur aðstoðarmann sinn eftir til að sjá um hlutina fyrir sig á meðan hann er í burtu.  Maðurinn setti saman samviskusamlega lista yfir allt það sem þarf að gera, og segir síðan við aðstoðarmann sinn þú verður að lesa yfir listann minnsta kosti tvisvar á dag. Síðan leggur maðurinn af stað í sumarfrí, þegar hann snéri til baka þá sér hann að allt sé í óreiðu. Hann spyr aðstoðarmann sinn, "Hvað gerðist eiginlega?" Aðstoðarmaðurinn svarar, " ég gerði það sem þú sagðir mér að gera. "Ég las listann yfir tvisvar sinnum á dag."  

Við verðum að framkvæma ef það sé vilji okkar að komast áfram í lífinu þetta árið. Hvaða framsæknu skref ertu þú tilbúin(n) til að taka nú á næstu vikum?

 

Hin 72 nöfn guðs.

Í visku kabbalah er margskonar tækni og þekking notuð til þess að stuðla að andlegum þroska og bættu lífi og mannkyni, eitt af þeim tækjum sem er notuð eru hin 72 nöfn guðs.

Hin 72 nöfn guðs eru ekki í sjálfu sér "nöfn" í bókstaflegri merkingu. Þau eru mjög ólík venjulegum nöfnum sem við notum sjálf til dæmis þegar við kvittum fyrir bréfi eða aftan á kreditkortum okkar.

Þess í stað eru hin 72 nöfn leiðir til að tengjast þeirri óendanlegu andlegu orku sem flæðir allt í kringum jörð okkar.  Við getum líkt þessu við að ef þú vildir sjá ákveðin sjónvarpsþátt þá eru nokkur atriði sem þú þarf að hafa á hreinu, t.d. hvenær hann byrjar og á hvaða stöð hann er sýndur á svo að þú getir stillt þig inná þá rás og notið þáttarins. Þetta kann að hljóma furðulega en ef þú spáir í því þá eru allskonar bylgjur og sendingar allt í kringum okkur sem við sjáum ekki en njótum samt góðs af þeim. Ég gæti nefnt þráðlausar sendingar, t.d. síma, útvarps, sjóvarps, nettengingar svo eitthvað sé nefnt. Þú ert að tengja þig inná þessa orku og notar hana jafnvel daglega, samt sérðu þær ekki en þú nýtur góðs af þeim ekki satt?  

Á sama hátt eru hin 72 nöfn tíðnir sem þú getur stillt inná í hinu andlega og móttekið af þeirri andlegu uppsprettu líkt og kabbalistar hafa gert í þúsundir ára.

 

Nafnið sem ég vill taka fyrir í dag er nafn númer 49 "hamingja."

Þegar þú skannar þetta nafn sjáðu þá fyrir þér í huganum allt það góða sem þú vilt sjá í þínu lífi.

Ég finn styrk til að standast þrár mínar sem sprottnar eru frá sjálfselsku.  Með þessu Nafni þá bið ég þess sem sál mín þarfnast, en ekki það sjálfselska mín þráir. Ég finn fyrir djúpu þakklæti fyrir öllu sem lífið færir mér. Þetta færir mér hamingju í orðsins fyllstu merkingu.

 

 

 

 

Lærðu að meta þínar gjafir.

Öll okkar erum blessuð af einhverri gjöf sem okkur hefur verið gefið. Við þurfum stundum að staldra við og vera þakklát fyrir það sem okkur hefur verið gefið, svo að þær blessanir séu áfram á meðal oss. Í gegnum þakklæti þá getum við forðast þá tilfinningu að við séum að missa af einhverju eða að okkur vanti endilega það sem aðrir hafa og þar með missa þær blessanir sem eru nú þegar til staðar.

Í dag, vektu upp innra með þér jákvæða orku og kraft þakklætis svo að þú megir vernda og viðhalda öllu því sem er þér kært. 

Erfitt fólk!

Þær hindranir og áskoranir sem birtast í lífi okkar eru í raun ekki "óvinir" okkar. Í raun þær hindranir sem við mætum voru skapaðar og hannaðar til þess að hjálpa okkur að vaxa andlega sem er hinn sanni tilgangur lífs okkar.

Með þetta í huga, gerðu þá lista í dag yfir nokkra einstaklinga sem eru þér erfiðir. Getur þú svo séð þá með þeim hætti að það sé kannski jákvæð ástæða fyrir því að þau séu í þínu lífi? 

 

Að viðhalda þakklæti.

Viltu vita hvert mótefnið við því að vera þunglyndur, óhamingjusamur og óuppfylltur?

Þakklæti er svarið.

Þegar við erum upptekin af því að horfa á það góða sem aðrir hafa gert okkur, þá færist athygli okkar af því sem við höfum ekki, og þar sem það er í eðli okkar að vera sífellt að leita að því slæma, þá er það stöðug barátta að viðhalda þakklætinu. 

Hvað er það í lífi þínu sem þú þakklát fyrir?

 

Góða nótt!

Flestir vilja hvílast þegar þeir sofa ekki satt? Ólíkt flestum, þá hafa kabbalistar ávalt notað svefninn sem grundvöll fyrir andlega vinnu. Ef þú ert að fara í ganga í gegnum áskoranir í lífi þínu, vissir þú þá af því að þú getur óskað eftir lausn og handleiðslu áður en þú ferð að sofa, og mjög oft þá færðu svarið í draumi, eða vaknar næsta morgun og hefur skyndilega svarið sem þú leitaðir af. 

Ef þú ert að upplifa ótta og kvíða, vissir þú þá af því að þú getur óskað eftir þeim styrk sem til þarf til að sigrast á ótta og kvíða áður en þú ferð að sofa, og jafnvel munt þú horfast í augu við óttann og kvíða í draumi, svo að það sem virtist óklífanlegt fjall er skyndilega orðið að litlum hól.

Gerðu áætlun um andlega vinnu í kvöld áður en þú ferða að sofa,

Hefur þú einhvern tímann mætt vandamáli sem ekki er hægt að leysa?

Hefur þú einhvern tíman mætt vandamáli sem ekki var hægt að leysa?  Ekki ég heldur, ef það myndi gerast þá myndi ég fylgja ráðum mikils kabbalista Rav Ashlag sem sagði meðal annars: Í stað þess að berja hausinn við steininn í þeirri von að reyna að leysa málin, beindu þá athygli þinni á þau svæði lífs þíns þar sem þú hefur góða yfirsýn og gott flæði, fyndu leið til að vera glaður. Gerðu meira af því sem þú ert góður í. Syngdu fleiri söngva sem þú kannt. Vertu þú sjálfur og dragðu fram þá góðu kosti sem þú býrð yfir nú þegar, og láttu þá góðu yfirsýn og það góða flæði sem þú átt núna brjóta niður þá veggi sem þú kemst ekki yfir.

Af öllum gjörðum eru afleiðingar, ef við setjum orku okkar í það að vera neikvæð þá er það sú orka sem við drögum að okkur, ef við einblínum á jákvæðni og virkjum þá góðu hluti sem við höfum nú þegar í lífi okkar þá munt þú fá meira ljós inní þitt líf.

Hvað gerðist í dag?

í Zóharnum er ritað um að áður en við förum að sofa, þá er gott að fara yfir daginn og vega og meta hvað gerðist yfir daginn, hvort að við höfum sent frá okkur jákvæða eða neikvæða orku, eins hvetur Zóharinn okkur að horfast í augu við hegðun okkar og hugsun á hverjum degi og vinna í og lagfæra það sem miður fer.

Skiptir engu hversu andleg við teljum okkur vera, eða hvaða verkfæri við erum að vinna með, ef við tökum ekki frá tíma til að vega og meta hvað betur mætti fara þá munum við lifa í myrkri. 

Í kvöld, farðu yfir það sem gerðist yfir daginn. Þú kemur kannski ekki auga á hlutina strax. En þráin mun vekja vitund þína og varpa ljósi á neikvæðu deplana. Og að lokum mun fjarlægja sársauka og myrkur úr lífi þínu.

Þurrkaðu út neikvæðni.

Nú þegar við höfum plantað jákvæðum sáðkornum fyrir næsta ár, þá hefur okkur verið gefin önnur gjöf frá alheiminum til að þurrka út neikvæða hluti úr fortíð okkar. 

Okkar vitund, orð og hegðun í dag (laugardag) geta leiðrétt sérhvert myrkur sem við kunnum að hafa fært inní heiminn á síðast liðnum laugardögum á síðasta ári. Á morgun, vitund okkar, orð og gjörðir okkar geta verið leiðrétt af allri þeirri neikvæðni sem við höfum fært inn alla sunnudaga síðastliðins árs og svo framvegis með alla daga vikunnar. Ekki hafa áhyggjur ég mun minna ykkur á þetta út vikuna. Það mikilvægasta í þessu er að halda í þá hugmynd að við getum aldrei sleppt takinu af voninni, stokkið frá borði eða gefist upp, því að miskunn skaparans er óendanleg. Við fáum ávalt annað tækifæri, og þriðja og fjórða... og svo framvegis.

Ef við aðeins gætum verið miskunarsöm með sama hætti við þá sem við elskum.

Glugginn er opinn!

 

Gluggi alheimsins er ennþá opin og það er enn tækifæri fyrir okkur að skrifa bréf til alheimsins, og biðja um allt það sem við viljum og láta af öllu því sem við viljum ekki. 

Í sannleika sagt þá er hver einasti dagur sá mikilvægasti á árinu eins klisju kennt og það hljómar. Af hverju? Því að dagurinn í dag er sá eini sem við getum haft áhrif á til góðs. Í dag er eini dagurinn sem að við getum afhjúpað Ljós. Eða réttara sagt þar til á morgun.

Svo að með sama hætti og í gær, hafðu þína eigin hugsjón um fullkomnun. Ekki láta erfiða einstaklinga og erfiðar kringumstæður ná til þín og slá þig útaf laginu. Deildu með þér í dag eins og þetta sé síðasti dagurinn sem þú getur deilt og gefið af þér - vegna þess á morgun verður gærdagurinn horfin ásamt þeim tækifærum sem koma ekki aftur. Ég er ekki að segja að þú þurfir að vera undir streði og álagi vegna þess að sérhver dagur sé eins og sá síðasti til að afhjúpa ljósi í heiminn, heldur frekar að höndla sérhvern dag eins hann væri þinn síðasti og nýta hvern dag vel bæði til að afhjúpa ljós inní heiminn og njóta þess að vera til sérhvern dag.