Góða helgi.

Jæja þá mun undirritaður láta ljós sitt skína í kvöld og annað kvöld með því að troða upp og  skemmta kópavogsbúum ásamt öðrum á Café Catalinu við Hamraborg.  Þanning að það verður lítið um blogg færslur um helgina. Ég óska öllum góðarar helgar og látið nú ljós ykkar skína við hvort annað og munum að ef við smælum framan í heiminn þá smælar heimurinn framan í þig.

Kveðja,
Hermann Ingi.

Vel heppnaður fundur.

Var í gær á fræðslufundi um visku Kabbalah, þar sem ræðumaður var Chagai Shouster kennari hjá The Kabbalah Center í London. Fræðin eru virkilega áhugaverð og eiga fullt erindi við íslendinga og alla þá sem vilja stækka sjóndeildarhringinn.

Mæli með þessu,

Kveðja,
Hermann

Fræðslufundur um Kabbalah.

Miðvikudaginn 14. mars 2007 verður haldin kynningarfundur kl. 20:00 um fræði Kabbalah í Sjálfstæðishúsinu við Hlíðasmára 19, 201 Kópavogi.

Farið verður yfir helstu atriði Kabbalah og með hvaða hætti sú viska á erindi í okkar líf í dag.

Ræðumaður verður Chagai Shouster sem er kennari hjá The Kabbalah Center í London,

fundur fer fram á ensku.

Ef þú hefur áhuga á að koma á fundinn þá getur þú skráð þig www.kabbalah.is

Kabbalah er ekki trúarbrögð eða trú, heldur tæknilegar upplýsingar fyrir sál mannsins.

Fasteignaverð á uppleið.

Frá því að Kaupþing tilkynnti að þeir ætluðu að bjóða á ný 100% íbúðarlán fyrir þá sem eru að útskrifast úr háskólanámi að þá hefur Glitnir komið fram með nýjung sem er hljóðar þannig að lántaki getur fengið 90% lánað af markaðsverði eignar meðan aðrir miða við brunabótamat og lóðarmat, svona á þetta að vera virk samkeppni þar sem fyrirtækin þurfa að svara strax og koma fram með nýjungar og bættari kjör fyrir viðskiptavinina til að halda sér í framlínunni, mætti bara sjást víðar og ef það væri alvöru samkeppni á t.d. matvælamarkaði og hjá olíufélögunum þá myndi kjör hér batna gríðarlega.

Frá greiningardeild Kaupþings.

Greiningardeild Kaupþings segir svo virðast sem líf sé að færast í fasteignamarkaðinn og bendir á að fasteignaverð á höfuðborgarsvæðinu hafi tekið kipp um janúar og hækkað um 2,3 prósent á milli mánaða. Bendi allt til áframhaldandi hækkunar á fasteignaverði í febrúar, einkum á fjölbýli, að sögn deildarinnar.

Greiningardeildin bendir á nýjar verðbólgutölur Hagstofunnar máli sínu til stuðnings og segir aukna samkeppni á íbúðalánamarkaði hafa skilað sér í aukinni eftirspurn húsnæðis og þar með sett þrýsting á áframhaldandi hækkun fasteignaverðs á næstu misserum.

Where the mind and matter meet!

Áhugaverður fyrirlestur um hvernig hugsanir eða hugsunarmynstur getur haft áhrif á líf einstaklings og með hvaða hætti við getum haft jákvæð áhrif á líf okkar.

Smelltu hér til að hlýða á fyrirlestur

Seinni hluti fyrirlestrar

Cat Stevens / Yufus Islam

Í gegnum tíðina hefur Cat Stevens verið einn af mínum uppáhalds lagahöfundum enda er hann frábær tónlistarmaður og ég verð að játa að maður varð svolítið svekktur þegar hann hætti á sínum tíma, enn til allra lukku þá hefur hann ákveðið að taka þátt í leiknum á ný og gaf út plötu á ný á síðasta ári sem var bara góð svo að verður gaman að fylgjast með honum áfram.

 

Hérna er hægt að sjá skemmtilega heimildarmynd um kappann.

What a bleeb do we know?

Skemmtileg mynd og eykur sjóndeildarhringinn.

Smelltu hér til að horfa á mynd.

www.kabbalah.is

Áhugaverð mynd.

Ég setti link á mynd sem heitir The secret og hefur skemmtilegar pælingar endilega kíkið á hana.

er búinn að setja nýjan link inn þar sem hinn var dottinn út

Smelltu hér til að horfa á mynd.

www.kabbalah.is

Íbúðalán hækka á ný.

Nú er það orðið formlegt að 100% íbúðarlán eru komin í umferð á ný 100% lán til þeirra sem eru að útskrifast úr háskólanámi og væntanlega er ekki langt að fleiri fylgi eftir, íbúðalánasjóður býður nú þegar 90% lán ásamt Spron þannig að það er aukin hætta á því að þennsla fari að láta bera á sér innann skamms og bankarnir fari að berjast um að lána, þá er bara óskandi fyrir þá sem taka 100% lán að verðbólgan komi ekki í bakið á lántakanda og hækki lánin uppúr öllu valdi vegna okkar yndislegu verðtryggingar   þá gæti reynst erfitt fyrir hann að verða ástfangin af öðrum banka ef hann verður þreyttur á sambandinu og hvað þá að segja upp sambandi við þann slíkan banka, þar sem enn eru nokkrir bankar sem hafa sérskilyrði fyrir veitingu láns að öll önnur viðskipti fylgi með í kaupunum og ef viðskiptavinurinn verður leiður á sínum fyrrverandi félaga þá hækkar hann bara vextina. Hvar er frjálshyggjan í því ég bara spyr? Annars er alltaf gott velja sér góðan félaga (banka) strax í byrjun

Smá pæling

 

Eitt stærsta vandamálið við trúarbrögð heimsins í dag og í gegnum tíðina eru trúarleiðtogarnir, trúarbrögð eða leiðtogar trúarbragða hafa skapað sér í gegnum tíðina ákveðið kerfi með því að halda aftur af upplýsingum í þeim tilgangi að tryggja sér völdin og til þess að stjórna, skapa þörf fyrir fólk að verða háð trúarleiðtogunum. Þetta er alþekkt í gegnum kirkjusöguna þar sem hlutirnir fóru svo langt á tímabili að aðeins var messað á latínu til að halda fólkinu í vanþekkingu betur þekkt sem svarta öldin, eins er það alþekkt að vatíkanið hefur haldið handritum leyndum fyrir almenningi þar sem upplýsingar sem í þeim eru gætu skaðað trúarkerfið og enn ein leiðin eru þýðingarnar sem oft á tíðum hafa breyst mikið frá grunntexta til að aðlaga hann betur að trúarkerfinu sem hentar í það skiptið fyrir trúarkerfið. Flestir vita að þekking er afl og sá sem þekkinguna hefur hefur forrskot á þann sem býr ekki yfir þekkingu. Það er ekki þar með sagt að trú og trúarbrögð séu endilega slæm, nei það þarf bara að færa trúnna aftur til fólksins eins og henni var ætlað frá upphafi í stað þess að hafa trúnna sem eitthvað kerfi eða bákn.

 

Þorum að spyrja og leita svara sjálf!