Það er aldrei of seint.

Þú ert eflaust búin(n) að átta þig á að þú hefur sál og sú sál er eilíf. Og það er mín von að þú vitir að sál þín kom inní þennann heim með ákveðið verkefni til að leysa rétt eins og James Bond til samlíkinar. Við fengum kannski ekki flottann bíl og byssu líkt og 007, en þér er ætlað að gera ákveðna hluti í þessum heimi sem aðeins þú getur framkvæmt. Sumir kunna að kalla þetta köllun eða lífsverk sitt, en varist því það er til afl sem reynir ákaft að koma í veg fyrir að þú lifir þeim eða uppfyllir þína drauma. Það er aldrei of seint, oft dynja yfir okkur okkar eigin takmörkuðu hugsanir og vantrú á okkur sjálfum sem heldur okkur föstum í sömu sporunum vegna þessa að við erum orðin of gömul eða við erum of ung, við erum ekki nógu menntuð eða við erum of brotin. Sannleikurinn er sá að sá sem stjórnar útsendingu á þessum hugsunum getum við kallað óvinurinn sem er í lífi okkar til að skapa ögrun og hindranir í líf okkar til að sigrast á. Þegar við finnum upp afsakanir fyrir því að vinna ekki í þeim hindrunum og því sem örgrar okkar frelsi og hamingju þá hefur óvinurinn skorað mark gegn okkur. Gamal kínverskt máltæki talar um að langt ferðalag byrjar með einu skrefi. Það er aldrei of seint að iðrast. Sá sami óvinur sem við ræddum um áðan fyllir okkur með stolti, hroka og jafnvel skömm til að hindra okkur í því að iðrast og biðjast fyrirgefningar þegar við höfum brotið á örðum. Ávöxturinn af þessu er sá að fólk einangrast og skilur eftir eyðu í lífi okkar og þar af leiðandi líka í alheiminn fyrir neikvæða orku að flæða inní heiminn. Smá áskorun. Taktu upp símann, skrifaðu bréf eða hugleiddu þau orð sem eru efst á síðunni til að senda ljós inní líf þeirra sem eyða hefur myndast. Það er aldrei of seint að fara á eftir draumi sínum. Sem foreldri þá fylgist ég með börnum mínum með augun full af lífi stöðuglega að leita eftir næsta fjöri, eitthvað til að takast á við eða gera eitthvað skemmtilegt. Og ég hugsa með sjálfum mér af hverju hef ég ekki þessa eftirvæntingu í lífi mínu líkt og börnin alla daga? Tökum ákvörðun að setja eftirvæntingu í það sem hefur orðið rútína. Kabbalistar kenna það að vonir okkar og draumar koma frá sálinni svo þegar við tengjumst við drauma okkar og gerum þá að veruleika þá erum við að opinbera meira ljós inní heiminn. Ljós og blessun.

Samræður við Guð.

Langaði að deila með ykkur gullmola sem bróðir minn sendi á mig.

Kv. Hermann 

"Love is freedom. The two words are interchangeable. When you love someone you grant them total freedom to be, do, or have whatever they choose. This is true love: to allow each person to walk his path. 

Þetta er áhugaverður gæi

Þetta er maður sem missti allt bjó á götunni í um 1 ár.

Hann vill meina að hann hafi skrifað niður algjöri nauð Hvað þarf ég að gera til að láta líf mitt virka. Og var þessi spurning ætluð 

 til guðs eða æðri máttar þar sem hann vildi einfaldlega fá svar. Hann vaknaði síðar um nóttina við að honum fannst eins og hann þyrfti að skrifa eitthvað niður. . Það fyrsta sem hann skrifaði var ertu tilbúinn ertu viss um að þú um að þú viljir fá að heyra það sem ég hef að segja. Hann skrifaði síðar YOU GOT ME ALL WRONG. Eða eitthvað í þá áttina, Hann skrifað síðan 3 bækur í einu þar sem eiga að vera svör frá æðri mætti eða með þeim styrk sem fékk hann til að skrifa. Þar sem meðal annars er sagt þú ert ég og ég er þú. Elskaðu þig og þá munt þú elska mig.

Sterk orð. 

Rabbi Jesus

Fann hérna skemmtilegt viðtal við Bruce Chilton sem hefur eitt mörgum árum í að rannsaka ævi Jesú og skrifaði bókina Rabbi Jesus út frá þeirri rannsókn. Þarna varpar Bruce nýju ljósi á ævi Jesú og hvaðan hann kom og á hverju hans kenningar eru byggðar uppá. Í bókinni kemur meðal annars fram að Jesú hafi í raun verið Kabbalisti og byggt sín fræði og kennslu á þeirri visku, eins eru útskýringar sem varpa nýju ljósi á Jesú að hann hafi í raun ekki verið sá sem fólk telur hann vera.

Skemmtilegar pælingar

Smelltu hérna til að sjá viðtal

Frá óreiðu til frelsis.

Jæja þá er komið að því að þann 24 apríl verður nýr fræðslufundur á vegum www.kabbalah.is og verður haldinn í Gerðubergi menningarmiðstöð við Gerðuberg 3-5, 111 Reykjavík

Fundurinn hefst kl. 19:30

Ræðumaður verður Chagai Shouster sem hefur kennt kabbalah í yfir tólf ár og hefur meðal annars kennt við The Kabbalah Center í London þar sem Madonna og Mick Jagger iðka Kabbalah.

Ræðuefni verður: Frá óreiðu til frelsis.

Farið yfir hvernig þú getur nýtt þér Kabbalah til að ná fullkomnum árangri með líf þitt og að lífið þarf ekki að vera tilviljunarkennt, örlögin liggja í þínum höndum og þú ein(n) ert árbyrg.

Ég vil ítreka að Kabbalah er ekki trúarbrögð heldur viska og vísindi sem við getum nýtt til að skilja hvaða lögmál gilda í heiminum og fyrir sál mannsins.

Endilega látið sjá ykkur, nánari upplýsingar má finna á www.kabbalah.is

Ljós og blessun

Sólargeislinn

Skrár tengdar þessari bloggfærslu:

• Hvað er Kabbalah?

Kominn heim úr sólinni.

Undirritaður var að koma til landsins eftir viku hátíð í Hollywood Florida þar sem um fjögur þúsund kabbalistar komu saman til að halda uppá pesach. Þetta var mögnuð upplifun og veitti manni enn betri skilning um hvað Kabbalah snýst í raun og veru og var magnað að sjá þann kærleik og tengls á milli allra þeirra sem þarna voru. Það er mín skoðun að Kabbalah er eitthvað sem heimurinn þarf á að halda þar sem sjálfselska og græðgi eru eitthvað sem fer vaxandi með degi hverjum og eins vilja menn fá svör án þess að einhver mati ofan í þá hvað sé rétt og hvað sé rangt fólk vill mynda sér eigin skoðun byggða á rökum og vísindum. Annars er alltaf gott að koma heim til Íslands þrátt fyrir að veðrið sé ekki eins draumur manns. Höldum áfram að láta gott af okkur leiða og njótum lífsins í leiðinni. 

Kveðja,
Hermann Ingi

 

Sendum sjálfselsku okkar í sumarfrí.

Eitt af æðstu boðorðum okkar er að elska náungan eins og við elskum okkur sjálf, í sjálfinu liggur hundurinn grafinn og í raun allt það sem miður fer í lífinu er sprottið frá þeirri uppsprettu, og er í raun drifskraftur þeirra sem halda að þeir hagnist á óförum annara sér til framdráttar, en elsku vinir það er ekki svo maður uppsker það sem maður sáir, hvort sem það er nú eða seinna. Eitt er víst að ef þú kemur illa fram við aðra þá kemur það niður á þér fyrr en síðar. Því er svo mikilvægt að stíga útúr því að miða allt við okkur sjálf, spyrjum heldur hvað get ég gert til að bæta líf náungans í dag, það getur verið eitt lítið bros, eitt lítið hrós í raun bara að gefa ljós frá sér þá er stór sigur unninn.

Ég hvet alla sem lesa þessa hugleiðingu að prófa að taka einn dag og hugsa bara um þann dag hvernig þú getur bætt líf þeirra sem eru í kringum þig.

Sólargeislinn

Uppgötvaðu Kabbalah.

Setti hér skemmtilegt kynningarmyndband um Kabbalah sem er yfir 5000 ára gömul viska sem fær mann til að hugsa.  

Smella hér

Hér fyrir neðan eru skemmtilegar pælingar til að hugsa um.

1. Þarf ég að trúa á guð til að lifa andlegu lífi? Smella hér!
2. Af hverju getum við ekki lifað öll í sátt? Smella hér!
3. Hvernig getum við gert til að breyta heiminum? Smella hér!

www.kabbalah.is

Framtíðarland.

Nú þegar fer að líða að kosningum vaknar upp sú von að það komi loks fram einhver stjórnmálamaður með hugsjónir og bein í nefinu til að vinna að þeim og veit það að hugsjónir eru ekki til sölu.  Það er mín skoðun að Ísland stendur á ákveðnum tímamótum og  er kannski í smá tilvistarkreppu því nú er ákveðin undiralda sem kraumar undir yfirborðinu um hvers konar framtíð við viljum eiga hér á íslandi.  Viljum við skapa fjölskylduvæna þjóð þar sem fjölskyldugildi eru verðmæt og viljum við skapa þjóð þar sem allir eru jafnir án allra fordóma, viljum við fórna náttúrunni án þess að horfa á stóru myndina?  Þó að frjálshyggjan er góð og gild þá fylgja henni líka gallar sem er sú staðreynd að hinir ríku verða ríkari en hinir snauðu greiða kostnaðinn.  Alla vega er orðið tímabært að kveða niður gamla drauga sem eru orðnir ellismellir fyrir löngu svo sem, verðtrygging, stimpilgjöld, bensíngjald, tollar. Ég er á móti því að fyrirtæki geti falið sig á bakvið það að við séum eyja og þess vegna er ekki virk samkeppni frá öðrum löndum og í skjóli þess er haldið uppi ofurháu verðlagi hér á landi.  Hvar eru stjórnmálamennirnir sem vinna fyrir þjóðina afhverju er ekki unnið að því að opna landið svo að það verði virk samkeppni og fyrirtæki þurfi að standa sig í þeirri samkeppni eins aðrir, er það ekki frjálshyggjan í hnotskurn?

Alla vega þá er kominn tími á að gera róttækar breytingar og kannski er leiðin sú að skipta leikmönnum útaf eins og gert er í íþróttum þegar menn eru ekki að standa sig.

Einn voða pirraður,  Nei í raun ekki en þetta er bara smá pæling.

 

 

 

Hippahátíð í eyjum.

 

Undafarin ár hefur verið haldin stórskemmtileg hátíð í Vestmannaeyjum sem nefnist Hippahátíðin og eins og nafnið gefur til kynna þá er þessu tímabili gerð góð skil og menn og konur draga fram gömlu góðu mussurnar og hippa glingur og halda hátíð með bros á vör.

Meðal annars verður þjóðlagakvöld þar á meðal eru nokkrir eðal tónlistarmenn sem ég á pínulítið í eins og Sæþór Vídó sá sem er á myndinni , Davíð Arnórs og Pabbi & Beta ( Hermann Ingi & Elísabet) ásamt fleirum stórgóðum tónlistarmönnum.

Frábært framtak og það er ekki laust við að maður langi bara að skella sér til eyja og taka þátt í gleðinni.

Hver man ekki eftir " All we are saying is give peach a chance"

 

Kabbalah.is

Nýlega var sett á laggirnar áhugamannafélag um Kabbalah á íslandi og hefur verið sett upp síða í tengslum við það og eins eru fræðslufundir og námskeið í boði fyrir þá sem hafa á huga á að skoða þessu merku fræði, hvet ykkur að kíkja á hana og kynna ykkur málið.

Kabbalah.is